पुणे : अभिनेते विकास बांगर यांचा ‘उन्मत्त’ हा चित्रपट २२ फेब्रुवारी २०१९ रोजी संपूर्ण महाराष्ट्रात प्रदर्शित झाला असून, पहिल्याच दिवशी चित्रपटगृहांबाहेर हाउसफुलचे बोर्ड लागून चित्रपट अजूनही गर्दी खेचत आहे. तरुणाईची कथा असलेला हा चित्रपट सर्वच वयोगटांतील प्रेक्षकांना भावला आहे.
‘उन्मत्त’ हा एक सायफाय थ्रिलर असून, यामध्ये अॅक्शन, गाणी, ड्रामा अशा गोष्टींचा समावेश आहे. बॉडी डबल न वापरता केलेले अॅक्शन सीन्स प्रेक्षकांना आवडत असून, तो चित्रपटाचा ‘यूएसपी’ ठरला आहे. विकास बांगर हे चायनामधून मार्शल आर्टस्चे रीतसर प्रशिक्षण घेऊन आले असून, याचाच उपयोग त्यांना चित्रपटामध्ये अॅक्शन सीन्स करताना झाला.
या चित्रपटाचे दिग्दर्शन महेश राजमाने यांनी केले आहे. विकास यांच्यासह या चित्रपटात आरुषी वेदिका आणि पूर्णिमा डे यांच्यादेखील प्रमुख भूमिका आहेत. चित्रपटाची उत्तम बांधणी आणि वेगळा विषय असल्यामुळे चित्रपटगृहांमध्ये गर्दी वाढत आहे. पहिल्याच दिवशी चित्रपट हाउसफुल झाल्यामुळे संपूर्ण टीमला आनंद झाला असून, त्यांनी केलेल्या प्रयत्नांचे सार्थक झाल्याची भावना त्यांनी व्यक्त केली आहे.